| 在法國寫 Xanga, 哈哈... 半年來, 在歐洲都見到唔少o野... 對於生活有d 新體會... o黎之前, 個個都同我講話法國人做o野好慢.. 叫我唔好咁快. 令我先入為主覺得法國人做o野慢係缺點, 我發覺依一樣絕對係優點. 或者咁講, 法國人會以自己為中心. 去Carrefour, 佢8:00pm 閉門, even 條隊有萬里長城咁長, 收$$o個一個都會立即收工. 排隊d人就唯有走人... Carrefour 公司都唔想你加班, 因為政府制訂加班人工會高d , 原因係加班會令人病, 病會加重政府醫療開支. 搭 RER, 即係Train, d 班次一定唔會準, even 放工時間都係無面俾15mins 一班 , 月台明明迫到d 人落軌咁... 個司機到站第一時間就係同月台d fds 握手, 吹水... d 人唔買ticket 跳閘每一秒都發生緊, 日日咁睇住人跳 , 我都跳la...跳下一個月, 跳下一個月... 跟本跳閘才是正確入閘方法. 跳閘個時仲成日會有黑人幫手拉開個閘等其他人一齊過, 過o左就各行各路. 當然, 人一定會死, 但又一定唔會死錯人, 死d 人一定係遊客!! 因為只有附近有旅遊點gei station or line 至有人check ticket... 所以, 係Paris識得跳閘真係有著數... RER 都係幫自己人, 旅遊線收多d 罰多d, 貼d local 唔洗$$搭車. 可能以為對內係咁, 其實對外都係咁... 去到機場, CDG , 有一條counter check passport, 如果d 人趕flight 又遇上佢地交更, 咁就真係改定下一班都得.... 交更好似開波之前咁 , 男gei 握手, 女gei 嘴嘴, 搞下搞下都成10mins 個counter 至開返... 觀察一下, 排緊隊而又表露出不滿gei 往往只會係黃種人... 其他人覺得好正常. 離開法國, 去到Belgium , Holland, d 人可能會積極少少, 但都係咁悠閒... 著件Polo心口有POLICE 字樣而又有槍gei 就係警察, 最得人驚唔係支槍, 係佢地d 鼻環唇環同SM style手鏈... 本來我真係以為香港人肺癌死得人多係因為食煙... 但係, 係歐洲有邊個唔食煙??個個都食... 唔同gei 係可能係食gei 方式... 香港人食煙係為o左提神減壓... 歐洲人, enjoy your life~!~! 我地錯la.. 煙唔係咁食.... 丹麥之前有人protest, 原因係因為政府要減Tax!!! 嘩, 真係講都冇人信.. 原因係佢地好pround of 自己國家gei welfare system, 減Tax 就減welfare. 我真係唔敢相信真係有國家可以做到... 仲有好多好多... 去到歐洲, 就好似去到另一個世界咁... 可能我只係睇到表面, 但係同香港真係有好大分別... 歐洲人唔會加班, 唔會拎o野返屋企做...Sunday 個個去曬park 同湖畔玩, town center 邊會有人?? 人地gei 國家都可以生存!! 社會係唔係真係要進步得咁快? 點解香港唔可以慢少少?? 香港人每日都自殺緊... 迫自己去死... 如果有得choose, 我情願在歐洲做火車司機, 每日都係一個人靜靜地跟住同一條軌行... just keep your pace slow, enjoy your life.... |
